CHOOSE WORLDWIDE 72 LANGUAGES BY CLICKING THE TOP BOX OF LEFT SIDE BAR. TRANSLATION AVAILABLE ONLY FOR POSTS AFTER 2013 NOVEMBER : for queries contact joharkj@gmail.com बाईं ओर पट्टी के ऊपर बॉक्स पर क्लिक करके दुनिया भर में 72 भाषाओं से चुनें. केवल 2013 नवंबर के बाद पदों के लिए उपलब्ध अनुवाद: प्रश्नों joharkj@gmail.com संपर्क के लिए இடது பக்கத்தில் பட்டையின் மேல் BOX கிளிக் செய்வதன் மூலம் WORLDWIDE 72 மொழிகளை தேர்வு செய்யவும். மட்டும் 2013 நவம்பர் பிறகு இடுகைகள் மொழிபெயர்ப்பு: கேள்விகளுக்கு joharkj@gmail.com தொடர்பின் 点击左侧栏机顶盒,CHOOSE全球72种语言。仅适用于2013年后的11月内的职位翻译为查询联系joharkj@gmail.com的 ELEGIR EL MUNDO 72 IDIOMAS POR HACER CLIC EN EL TOP BOX DE BARRA LATERAL IZQUIERDO. TRADUCCIÓN DISPONIBLE SOLO PARA PUESTOS TRAS noviembre 2013: para consultas contacto joharkj@gmail.com اختيار WORLDWIDE 72 LANGUAGES BY النقر على TOP BOX OF LEFT SIDE BAR. الترجمة متاحة فقط لمناصب بعد عام 2013 تشرين الثاني: للاستعلامات الاتصال joharkj@gmail.com 左側のバーの上部ボックスをクリックしてWORLDWIDE72言語を選択します。 ONLY2013年11月後の投稿をAVAILABLE翻訳:クエリがjoharkj@gmail.com連絡のため

Tuesday, May 31, 2011

Heat Issues of 7D & other DSLRs


 കാനന്‍ 7 ഡി  ക്യാമറയില്‍ വീഡിയോ ഷൂട്ട്‌ ചെയ്യുമ്പോള്‍ ഭയങ്കരമായി  ചൂടാവുകയും  വാണിംഗ് ലഭിച്ചു  ഉടന്‍ ഓഫ്‌ ആവുകയും ചെയ്യുന്നു എന്നുള്ളത് വ്യാപകമായ  പരാതിയാണ്.  ഡി എസ് എല്‍ ആര്‍ ക്യാമറകള്‍  വീഡിയോ മോഡില്‍  അല്‍പ്പ സമയം കഴിഞ്ഞാല്‍  ചൂടാവുക എന്നുള്ളത്  സാധാരണമാണ്

ഇ വസ്തുതയെക്കുറിച്ചു  കൂടുതല്‍ വിശകലനം ചെയ്യാം.  ഒപ്പം തന്നെ വായനക്കാര്‍ , ഈ വിഷയത്തില്‍ തങ്ങള്‍ക്കുണ്ടായിട്ടുള്ള ബുദ്ധി മുട്ടുകള്‍  കമന്റിലൂടെ  പ്രതിപാദിക്കും എന്ന് കരുതുന്നു.  പ്രശ്നത്തെക്കുറിച്ച്  കൂടുതല്‍  പറയുന്നതിന് മുന്‍പ് , ഈ ബ്ലോഗില്‍  " Introduction" എന്ന പോസ്റ്റില്‍   ബ്ലോഗ്ഗര്‍ അപ്പു പറഞ്ഞിരിക്കുന്ന കമന്റിലേക്ക്  എല്ലാവരുടെയും ശ്രദ്ധ ക്ഷണിക്കുകയാണ്. 

"........എസ്.എൽ.ആർ ക്യാമറയുടെ പ്രാഥമികമായ ഉപയോഗം ഹൈക്വാളിറ്റി സ്റ്റിൽ ചിത്രങ്ങൾ എടുക്കുവാനും, ഒരു എച്.ഡി കാംകോഡറീന്റെ ഉപയോഗം ഹൈക്വാളിറ്റി വീഡിയോ എടുക്കാനും ആണ് എന്നുവിശ്വസിക്കാനാണ് എനിക്കിഷ്ടം. എച്.ഡി കാംകോഡർ ഉപയോഗിച്ച് സ്റ്റിൽ ചിത്രങ്ങൾ എടുക്കുന്നതിന്റെ എല്ലാ കുഴപ്പങ്ങളും ഈ എസ്.എൽ.ആർ. വീഡിയോ ഗ്രാഫിയിൽ ഇല്ലേ? ശരിക്കും പറഞ്ഞാൽ പോയിന്റ് ആന്റ് ഷൂട്ട് കാമറയിലെ ടു. ഇന്‍ .വൺ സൌകര്യങ്ങൾ ഉപയോഗപ്പെടുത്താൻ ആഗ്രഹിക്കുന്ന വലിയൊരു വിഭാഗം കൺസ്യൂമേഴ്സിനെ എസ്.എൽ.ആർ രംഗത്തേക്ക് ആകർഷിക്കാനുള്ള ഒരു മാർക്കറ്റിംഗ് തന്ത്രമായി മാത്രമേ എസ്.എൽ.ആർ ക്യാമറയിലെ വീഡിയോ റെക്കോർഡിംഗ് സൌകര്യത്തെ കാണാനാവൂ. "


തീര്‍ച്ചയായും   നിര്‍മ്മാതാക്കളുടെ ഒരു മാര്‍ക്കറ്റിംഗ് തന്ത്രം തന്നെയാണ്   ഡി എസ് എല്‍ ആര്‍  ക്യാമറയിലെ വീഡിയോ സൗകര്യം.   ഒരു കാര്യം പ്രത്യേകം ശ്രദ്ധിക്കേണ്ടതാണ്. കാനോന്‍  7D,5D  ക്യാമറകളില്‍ ഉള്‍പ്പെടുത്തിയ  വീഡിയോ സൗകര്യം നിര്‍മ്മാതാക്കള്‍  ഊന്നി പറഞ്ഞു മാര്‍ക്കറ്റിംഗ് തന്ത്രം മെനയുന്നില്ല. ഇക്കാര്യങ്ങള്‍  സെമി പ്രൊഫഷണല്‍ , അമേച്വര്‍  ക്യാമറകളില്‍ ഉള്‍പ്പെടുത്തി  അവയ്ക്കാണ് നിര്‍മ്മാതാക്കള്‍ പരസ്യ പ്രചരണം നല്‍കുന്നത്.  വില്‍പ്പന കൂടാനുള്ള തന്ത്രം തന്നെ.  വീഡിയോ ചിത്രീകരിക്കാനും സ്റ്റില്‍  എടുക്കുവാനും  രണ്ടു ക്യാമറ   വേണ്ടല്ലോ എന്ന് കരുതുന്ന  ഉപഭോക്താവ് താല്‍ക്കാലിക ലാഭം നോക്കി  രണ്ടും കൂടിയുള്ള  ഡി എസ് എല്‍ ആര്‍ വാങ്ങുന്നു. തകൃതിയായി വീഡിയോ  എടുക്കുന്നു. ഫലമോ , അല്‍പ്പ കാലത്തിനുള്ളില്‍  രണ്ടിനും ഉപയോഗിക്കാന്‍ കൊള്ളാത്ത വിധം  ക്യാമറ  തകരാറിലാവുന്നു. ക്യാമറയുടെ സെന്‍സര്‍ ആണ്  തകരാറിലാവുന്നത് എന്നതിനാല്‍  പകരം മറ്റൊരു ക്യാമറ  തന്നെ  വാങ്ങേണ്ടി വരും. 

അതെങ്ങനെയെന്നു വിശദമാക്കാം. പ്രകാശത്തെ പ്രോസെസ്സ്  ചെയ്താണ് ക്യാമറ സെന്‍സറുകള്‍  മികച്ച ചിത്രം നല്‍കുന്നത്.  നാം സ്റ്റില്‍ എടുക്കുമ്പോള്‍   സെക്കന്റിന്റെ  അറുപതില്‍ ഒരംശം  ( അല്ലെങ്കില്‍ അതില്‍ കൂടുതല്‍ ) മാത്രമാണ് സെന്‍സറില്‍ പ്രകാശം പതിക്കുന്നത്.  മറിച്ചു വീഡിയോ എടുക്കുമ്പോള്‍  മിനിട്ടുകളോളം   പ്രകാശം സെന്‍സറില്‍ പതിച്ചു , പിക്സലുകളില്‍  പ്രോസസ്സിംഗ് നടക്കുന്നു.  ക്രമേണെ പിക്സല്‍ ചൂടാകുന്നു.  ഒരു പരിധി കഴിഞ്ഞാല്‍  പിക്സല്‍ ഓവര്‍ ബേണ്‍  ആവുകയും  അങ്ങനെ നശിക്കുകയും ചെയ്യുന്നു.  എല്ലാ ക്യാമറകളിലും വാണിംഗ് കിട്ടണമെന്നില്ല.  എന്നാല്‍  മെഗാ കണക്കിന്  പിക്സല്‍ കുത്തി നിറച്ച  ക്യാമറകളിലും  മറ്റും ഇത്തരത്തില്‍ ഒന്നോ രണ്ടോ പിക്സലുകള്‍ നശിക്കപ്പെടുമ്പോള്‍ വീഡിയോയില്‍ പ്രത്യേകിച്ച്  അറിയാന്‍ സാധിക്കണം എന്നില്ല.    എന്നാല്‍ എന്‍ലാര്‍ജ്     ഫോട്ടോകളില്‍  ചിലപ്പോള്‍ ബ്ലാക്ക്  ഡോട്ടുകള്‍   കാണപ്പെടുമ്പോള്‍  പിക്സല്‍  നശിപ്പിക്കപ്പെട്ടിട്ടുണ്ട് എന്ന് മനസ്സിലാക്കാം.  അതിനാല്‍ കൂടുതല്‍ സമയം   വീഡിയോ ചിത്രീകരണം  ക്യാമറയുടെ  ലൈഫിനെ തകരാറിലാക്കും.  അതിനാല്‍ , വീഡിയോ  ചിത്രീകരണത്തിനായി  പ്രത്യേകം  തയ്യാറാക്കിയിട്ടുള്ള  ക്യാമറ  ഉപയോഗിച്ച് വീഡിയോ എടുക്കുന്നതാണ്  അഭികാമ്യം. 

അപ്പോള്‍,  സ്വാഭാവികമായും ഡി എസ് എല്‍ ആര്‍ ഫിലിം  മേക്കിംഗ്  എന്ന ഈ സൈറ്റ്  എന്തിനാണ് ഡി എസ് എല്‍ ആര്‍  ക്യാമറയുടെ വീഡിയോ  സൌകര്യത്തെ  പുകഴ്ത്തി  പോസ്റ്റുകള്‍ എഴുതുന്നു എന്ന്  വായനക്കാര്‍ക്ക് സംശയം തോന്നിയാല്‍ അത്  സ്വാഭാവികം.    ഇവിടെ "ഫിലിം  മേക്കിംഗ് " എന്ന വാക്ക്  പ്രത്യേകം  ശ്രദ്ധിക്കണം.  സിനിമാ ചിത്രീകരണം  തോന്നിയ പോലെ ഷോട്ടുകള്‍ എടുത്തു , പിന്നീട്  കൂട്ടി ചേര്‍ക്കുകയല്ലല്ലോ . കൃത്യമായ സ്ക്രിപ്റ്റൊടെ,  ഏതാനും നിമിഷങ്ങള്‍ക്കുള്ളില്‍  ഒതുങ്ങുന്ന   ഷൂട്ട്‌. അടുത്ത ഷോട്ടിനു മുന്‍പ്   ആവശ്യമായ ഇടവേള.  ഈ സമയം  സെന്സറിനു തണുക്കാനുള്ള സമയം ലഭിക്കുന്നു.    വീഡിയോ  ചിത്രീകരണത്തിനും  സിനിമാ ചിത്രീകരണത്തിനുമുള്ള വ്യത്യാസം  ഇതാണ്.  അതിനാല്‍ തന്നെ ഡി എസ് എല്‍ ആര്‍  ക്യാമറ സിനിമാ നിര്‍മ്മാണത്തിന് ഉതകും.   

കുറഞ്ഞ പണം മുടക്കിയിട്ടുള്ള ക്യാമറകളില്‍  ഓവര്‍ ഹീറ്റ് പ്രോബ്ലം  കൂടുതല്‍ ആയിരിക്കും. സെന്സരുകളിലെ   പിക്സലിന്റെ  സൈസും എണ്ണവും  ചൂടിനെ  ബാധിക്കുന്നുണ്ട്.   അമേച്വര്‍ ഡി എസ് എല്‍ ആര്‍ ക്യാമറകളുടെ കാര്യം  മാറ്റി വച്ചാല്‍ തന്നെ,   എടുത്തു പറയേണ്ടുന്നതു  ഒരേ നിര്‍മ്മാതാവിന്റെ  തന്നെ  ക്യാമറ ആയ  7D, 5D മോഡലുകളിലെ    ഹീറ്റ്  പ്രോബ്ലം  ആണ്.  7D ക്യാമറ  5D ക്യാമറയേക്കാള്‍  കുറഞ്ഞ സമയം കൊണ്ട് ചൂടാവുന്നു എന്നുള്ളതാണ് . ഈ രണ്ടു ക്യാമറകളും തമ്മില്‍ അന്‍പതിനായിരം  രൂപയുടെ അടുത്തു വ്യത്യാസം ഉണ്ടെന്നുള്ള കാര്യം മനസ്സില്‍ വയ്ക്കുക.

ഇനി  വീഡിയോ  എടുത്തില്ലെങ്കില്‍  തന്നെയും ക്യാമറ ചൂടാകുന്ന    അവസ്ഥ ഉണ്ടാകുന്നുണ്ട്.   "ലൈവ് വ്യൂ "   മോഡുള്ള  ക്യാമറകളില്‍ സ്റ്റില്‍  എടുക്കുവാന്‍ കൂടുതല്‍ നേരം  ആ സൗകര്യം ഉപയോഗപ്പെടുത്തുമ്പോള്‍ ആണ്  ഇങ്ങനെ സംഭവിക്കുക.  ക്യാമറയുടെ ലൈഫിന് ഈ വിധ സൌകര്യങ്ങളൊക്കെ  അത്യാവശ്യത്തിനു മാത്രം ഉപയോഗപ്പെടുത്തുവാന്‍ ഡി എസ് എല്‍ ആര്‍ ഉടമകള്‍ പ്രത്യേകം ശ്രദ്ധിക്കുക.  ക്യാമറ ഷൂട്ടിനായി    ഉപയോഗപ്പെടുത്തുമ്പോള്‍  ആവശ്യമില്ലാത്ത അവസരങ്ങളില്‍ പവര്‍  ഓഫ്‌ ചെയ്‌താല്‍  ഹീറ്റ് പ്രോബ്ലം  ഒരു പരിധി വരെ  ശ്രദ്ധയില്‍ പെടാതെ പോകും. ബാറ്ററി  ലൈഫും കൂടും.

ഇന്ന് കൂടുതല്‍ ആളുകളും 7D യെ ഒരു വീഡിയോ ക്യാമറ കണക്കെ ഉപയോഗിക്കുന്നതിനാലാണ്   ആ ക്യാമറയ്ക്ക്  ഇത്രമാത്രം ഹീറ്റ് ഇഷ്യൂ  പറയപെടുന്നത്.  കൃത്യമായ ഇടവേളകളില്‍ ,  പവര്‍ ഓഫ്‌ ചെയ്തും ആവശ്യമുള്ളപ്പോള്‍  ഓണ്‍ ചെയ്തും  ഉപയോഗിക്കുമ്പോള്‍  ക്യാമറ ലൈഫിനോപ്പം നമ്മുടെ പോക്കറ്റിനും സംരക്ഷണം ആവും.




Sunday, May 29, 2011

ഒപ്ടിക്കല്‍ ഫില്‍ട്ടറുകള്‍ / OPTICAL FILTERS

സിനിമാ ചിത്രീകരണത്തിനു  അത്യന്താപേക്ഷിതമായ  ചില ഉപകരണങ്ങളാണ് ഫില്‍ട്ടറുകള്‍.  ക്യാമറയില്‍  ആലേഖനം ചെയ്യുന്ന  പ്രകാശ രശ്മികളെ  നമ്മുടെ ആവശ്യത്തിനു വഴങ്ങും വിധം   വിവിധ കളര്‍ കറക്ഷനുകളില്‍ കടത്തി വിട്ടു  ചിത്രങ്ങള്‍ക്ക് മിഴിവേകാനും ചില പ്രത്യേക സ്പെഷ്യല്‍  എഫക്ടുകള്‍ക്കായും  ഉപയോഗിക്കുന്ന ഗ്ലാസ്‌ / ജെലാറ്റിന്‍  ഉപകരണത്തെയാണ്  ഫില്‍ട്ടറുകള്‍ എന്ന് വിളിക്കുന്നത്‌.  വിവിധ  ലൈറ്റ്  കണ്ടീഷനുകളില്‍ ഉപയോഗിക്കാവുന്ന ധാരാളം ഫില്‍ട്ടറുകള്‍  ഇന്ന് വിപണിയില്‍ ലഭ്യമാണ്.  അവയില്‍ പ്രധാനമായും ഉപയോഗപ്പെടുത്തുന്ന  ചില ഫില്‍ട്ടറുകളെക്കുറിച്ച്    ആണ്  ഈ ലേഖനത്തില്‍  പ്രതിപാദിക്കുന്നത്.   

സയന്‍സില്‍ ഫില്‍ട്ടര്‍  എന്ന വാക്ക് പല  ഉപകരണങ്ങളെയും ഉപാധികളെയും കുറിക്കുന്നുണ്ടെങ്കിലും  ക്യാമറാ രംഗത്ത് ഉപയോഗപ്പെടുത്തുന്ന   ഫില്ട്ടറുകളെ  "ഒപ്ടിക്കല്‍ ഫില്‍ട്ടറുകള്‍ " എന്നാണു  വിളിക്കുന്നത്‌.   അതായത് , സ്രോതസ്സില്‍ നിന്നും ലൈറ്റ്,  ആലേഖനം ചെയ്യേണ്ട  ഉപകരണത്തിലേക്ക്  സഞ്ചരിക്കുന്ന വഴിയെ  ആണ് 'ഒപ്ടിക്കല്‍ പാത്ത്'   എന്ന് വിളിക്കുന്നത്‌. ഈ ഒപ്ടിക്കല്‍ പാത്തില്‍  പ്രകാശത്തിനു  വ്യതിയാനം ഉണ്ടാക്കുവാന്‍  ഇടയ്ക്ക്  ഉപയോഗിക്കുന്ന  ഉപകരണമാണ് ഒപ്ടിക്കല്‍ ഫില്‍ട്ടറുകള്‍.    ഒന്നോ  അതിലധികമോ ഫില്‍ട്ടറുകള്‍ കൂട്ടി ചേര്ത്തുപയോഗിച്ചു മികവാര്‍ന്ന ദൃശ്യങ്ങള്‍ സൃഷ്ടിച്ചെടുക്കാന്‍  ക്യാമറാമാന്‍മാരെ സഹായിക്കുന്നു.  മാറ്റ് ബോക്സ്   എന്ന ഉപകരണത്തില്‍ ലെന്‍സിനു മുന്നിലായാണ് ഫില്‍ട്ടറുകള്‍ ഘടിപ്പിക്കുന്നത്. 

ഗ്ലാസ്‌ , ജെലാറ്റിന്‍  എന്നിങ്ങനെ രണ്ടു തരാം ഫില്‍ട്ടറുകള്‍ ഉണ്ട്. ഇവയില്‍ ഗ്ലാസ്‌ ഫില്‍ട്ടറുകള്‍ക്കാണ്‌  പ്രിയം കൂടുതല്‍ ജെലാറ്റിന്‍  ഫില്ട്ടരുകള്‍ക്ക്  വിലക്കുറവും  പെട്ടെന്ന്  സ്ക്രാച് ആകാനുള്ള സാധ്യതയും കൂടുതല്‍ ആണ്. വളരെ സൂക്ഷ്മതയോടെ കൈകാര്യം ചെയ്യേണ്ട  ഉപകരണങ്ങള്‍ ആണ്  ഫില്‍ട്ടറുകള്‍ .  

ഫില്ട്ടറുകളുടെ    വക ഭേദങ്ങള്‍  :

1 . സോളിഡ് കളര്‍  ഫില്‍ട്ടറുകള്‍  :  പ്രകാശത്തില്‍ നിന്നും  ഒരു കളര്‍ മാത്രം കടത്തി വിട്ടു ആ കളറില്‍ ചിത്രത്തെ ആലേഖനം ചെയ്യാന്‍  ഉപയോഗിക്കുന്നു.  ഇവ  വിവിധ കളറുകളില്‍  തീക്ഷണത കൂടിയും കുറഞ്ഞുമെല്ലാം ലഭ്യമാണ് .  പക്ഷെ ഇവയുടെ ഉപയോഗം തുലോം കുറവാണ്. നേരത്തെ  രാത്രി  സീനുകളില്‍  ബ്ലൂ  ഫില്‍ട്ടറുകള്‍ ഉപയോഗപ്പെടുത്തിയിരുന്നെങ്കിലും  ഇപ്പോള്‍ തന്മയത്വമായി ആരംഗം ചിത്രീകരിക്കാന്‍  മറ്റൊരു ഫില്‍ട്ടര്‍ ഉള്ളത് കൊണ്ട് ബ്ലൂ ഫില്‍ട്ടര്‍  ഉപയോഗിക്കാറില്ല..  അസ്തമയ രംഗങ്ങള്‍ക്ക്   ഓറഞ്ച്  ഫില്‍റ്റര്‍  ഉപയോഗിച്ച് കാണുന്നുണ്ട്. വിവിധ  കമ്പനികളുടെ  അനുസരിച്ച്  കളര്‍ ഇന്റെന്സിറ്റിയില്‍   ഏറ്റക്കുറച്ചിലുകള്‍  ഉണ്ടാകാറുണ്ട്.
Photo By Arun Kakkanad.   (Used photoshop effect creation) 


2 . ന്യൂട്രല്‍ ഡന്‍സിറ്റി  ഫില്‍ട്ടറുകള്‍  : വളരെ അത്യാവശ്യം വേണ്ട ഫില്ട്ടറുകളില്‍ ഒന്നാണ് ഇത്.  കളറുകളെ ഒന്നും ബാധിക്കാത്ത  ഗ്രേ ഫില്‍റ്റര്‍ ആണ് ഇത്. ശക്തിയായ വെളിച്ചം ഉള്ളപ്പോള്‍  ഈ ഫില്‍ട്ടറുകള്‍ ലെന്‍സിനു മുന്നില്‍  ഉപയോഗിച്ച് വേണം  ഷൂട്ട്‌ ചെയ്യാന്‍. അല്ലെങ്കില്‍ ക്യാമറയുടെ സെന്‍സറുകളെ    തകര്‍ക്കും. ഇപ്പോള്‍ ഇറങ്ങുന്ന പല പ്രൊഫഷനല്‍ വീഡിയോ ക്യാമറകളിലും  കമ്പനി സെറ്റിങ്ങോട്  കൂടിയാണ്  ഈ ഫില്‍റ്റര്‍  വരുന്നത്.   പണ്ട് കാലത്ത് കുറഞ്ഞ ഐ എസ്‌ ഓ  ഉള്ള ഫിലിമുകള്‍  ആലേഖന ഉപാധിയായിരുന്നപ്പോള്‍  ഈ ഫില്‍ട്ടര്‍ കാര്യമായി ഉപയോഗിക്കാരില്ലായിരുന്നു. എന്നാല്‍ ഇന്ന് വളരെ കുറഞ്ഞ ലൈറ്റില്‍  ക്വാളിറ്റിയില്‍ ചിത്രീകരിക്കാവുന്ന  സെന്‍സറുകള്‍ ഉള്ള ക്യാമറകള്‍  ആവിര്‍ഭവിച്ചതോട്‌ കൂടി ഇത്തരം ഫില്‍ട്ടറുകള്‍ ക്യാമറാ ലൈഫിന്റെ അവിഭാജ്യ ഘടകമായി മാറിക്കഴിഞ്ഞു.  ലൈറ്റുകളുടെ വ്യത്യസ്തത അനുസരിച്ച് ഗ്രേഡ് 1 , ഗ്രേഡ് 2 , ഗ്രേഡ് 3  എന്നിങ്ങനെ  വ്യത്യസ്ത വാല്യൂകളില്‍  ഈ ഫില്‍റ്റെര്‍ ലഭ്യമാണ്.


3 . പോളറയ്സിംഗ്  ഫില്‍റ്റര്‍  : സ്റ്റില്‍ ഫോട്ടോഗ്രഫിയില്‍ ഫില്‍ട്ടറുകള്‍ ഒന്നും ആവശ്യമില്ല , എല്ലാത്തിനും ഫോട്ടോ ഷോപ്പ്  പരിഹാരം കാണും എന്ന  ധാരണയ്ക്ക് അപവാദമാണ്  ഈ ഫില്‍റ്റെര്‍.  ഷൂട്ട്‌ ചെയ്യുന്ന സമയത്ത് ഇലകളിലും വെള്ളത്തിലും  ഉണ്ടാകുന്ന ഗ്ലെയര്‍ - ന്റെ തീവ്രത കുറച്ചു  മിഴിവാര്‍ന്ന ചിത്രങ്ങള്‍ എടുക്കാന്‍  അത്യാവശ്യം വേണ്ട ഫില്‍ട്ടര്‍ ആണ് ഇത് . രണ്ടു  ലെയര്‍ ഗ്ലാസ്‌  അഭിമുഖമായി വച്ച്  ഇവയ്ക്കിടയില്‍ ആങ്കിളില്‍ ചെറിയ വ്യത്യാസം രൂപപ്പെടുത്തിയാണ് ഗ്ലെയറിനെ കട്ട്  ചെയ്തു കളയുന്നത്. ഷൂട്ട്‌ ചെയ്യുമ്പോള്‍ തന്നെ പ്രകടമായ  വ്യത്യാസം  കാണാം.  വാഹനങ്ങളുടെ ഷോട്ടുകള്‍ എടുക്കുമ്പോഴും മറ്റും ഒഴിവാക്കാനാവാത്ത ഒരു ഫില്‍റ്റെര്‍ ആണ് ഇത്.   മിക്കവാറും ഔട്ട്‌ ഡോര്‍  ഷൂട്ടുകളില്‍  ഈ ഫില്‍ട്ടര്‍ സ്ഥിരമായി ഉപയോഗിക്കുന്നു.  ഫില്‍ട്ടര്‍  റിംഗ് തിരിക്കുമ്പോള്‍  വിവിധ രീതിയില്‍ പടത്തില്‍ വ്യത്യാസം അനുഭവപ്പെടുന്നത്  താഴെയുള്ള ചിത്രത്തിലൂടെ മനസ്സിലാക്കാം. 

( Image Courtesy : dimagemaker )


4 .   ഗ്രേഡിയന്റ് ന്യൂട്രല്‍  ഡന്സിറ്റി   ഫില്‍റ്റര്‍  :  വളരെ സാധാരണയായി  ഇന്ത്യന്‍ സാഹചര്യങ്ങളില്‍ ഉപയോഗിക്കാറുള്ള  ഫില്‍ട്ടര്‍. ആകാശത്തിന്റെ    വെള്ള നിറം പലപ്പോഴും   വിഷ്വല്‍  ഭംഗി കുറയ്ക്കാറുണ്ട്. എന്നാല്‍  അനിവാര്യമായ  സാഹചര്യങ്ങളില്‍ ഈ ഫില്‍ട്ടര്‍  ആകാശത്തിന്റെ  തീവ്രത കുറയ്ക്കുന്നതിനായി ഉപയോഗിക്കുന്നു.    ന്യൂട്രല്‍ ഡന്സിറ്റി ഫില്‍ട്ടറിലെ ഗ്രേ കളര്‍ ക്രമേണെ കുറഞ്ഞു സുതാര്യമാകുന്നു. തന്മൂലം താഴെയുള്ള  സീനറി വ്യക്തതയോടെ  കാണുവാന്‍ സാധിക്കുന്നു.   ഷൂട്ട്‌ ചെയ്യുന്നതിനനുസരിച്ച്  ഫ്രെയിമിനു ചരിച്ചും താഴെയുമായി  ഈ ഗ്രേഡിയന്റ്   ഫില്‍ട്ടര്‍ ഉപയോഗിക്കാം.

(Image Courtesy : Cavisin )

5 .  ഗ്രേഡിയന്റ്    കളര്‍ ഫില്‍റ്റര്‍ :  വളരെ  സാധാരണയായി  ഈ ഫില്‍ട്ടര്‍ ഉപയോഗപ്പെടുത്തുന്നു.  ആകാശത്തിന്റെ നീലിമ കൂട്ടുവാനും  സായം സന്ധ്യയ്ക്ക്   കൂടുതല്‍ ചാരുത പകരുവാനും  ഒക്കെ  ഗ്രേഡിയന്റ്   ബ്ലൂ, ഗ്രേഡിയന്റ് ഓറഞ്ച്   എന്നിങ്ങനെയുള്ള ഫില്‍ട്ടറുകള്‍ ഉപയോഗിക്കാറുണ്ട്.  അതേപോലെ  വരണ്ട അവസ്ഥ മാറ്റി  പുല്ലിന്റെ പച്ചപ്പിനു കൂടുതല്‍ മിഴിവേകുവാന്‍  ഗ്രേഡിയന്റ്  ഗ്രീന്‍ ഫില്‍ട്ടര്‍ ഉപയോഗിക്കുന്നു.  ഇത് കൂടാതെ  ധാരാളം  കളറുകളിലും ഈ ഫില്‍റ്റെര്‍ ലഭ്യമാണ് .  


(Image Courtesy : Cavisin ) 

ഈ അടുത്ത കാലത്തിറങ്ങിയ മലയാള സിനിമയായ "മാണിക്യക്കല്ല് "  എന്ന ചിത്രത്തില്‍  ഗ്രേഡിയന്റ്  ഫില്‍ട്ടറുകള്‍ ഉപയോഗിച്ച്   മനോഹര രംഗങ്ങള്‍  സൃഷ്ടിച്ചിട്ടുണ്ട്.  






6 .  കളര്‍  കറക്ഷന്‍ ഫില്‍റ്റര്‍ :  കെല്‍വിന്‍ മാറുന്നതനുസരിച്ച്  പ്രകാശത്തിലെ  വര്‍ണ്ണങ്ങളില്‍ വ്യതിയാനം ഉണ്ടാകുന്നു എന്ന് നമുക്കറിയാം. രാവിലെയും വൈകിട്ടും  അല്‍പ്പം ചുവപ്പ് / ഓറഞ്ച്    കലര്‍ന്ന ചിത്രമാണ് എങ്കില്‍  ഉച്ചയ്ക്ക് ശേഷം  നീലിമ കലര്‍ന്ന രംഗമായിരിക്കും ഒരേ ക്യാമറാ സെറ്റിങ്ങില്‍  നമുക്ക് ലഭിക്കുക.   ആധുനിക ക്യാമറകളില്‍  ഈ കളര്‍ വ്യതിയാനം  "മെനു" ഉപയോഗിച്ച് കണ്ട്രോള്‍  ചെയ്യാം എന്നിരിക്കെ ഇത്തരം ഫില്ട്ടറുകള്‍ക്ക്      ഇപ്പോള്‍ പ്രസക്തി ഇല്ല.    എന്നാല്‍ പഴയ  ഫിലിം  ഉപയോഗ രീതിയില്‍ ഡേ ലൈറ്റിലും ടാങ്ങ്സ്ടന്‍  ലൈറ്റിലും   ടൈപ്പ് എ,  ടൈപ്പ് ബി എന്നിങ്ങനെയുള്ള ഫിലിമുകള്‍  ഉപയോഗിചിരുന്നപ്പോള്‍ വളരെ പ്രസക്തമായവ യായിരുന്നു  ഇത്തരം ഫില്‍ട്ടറുകള്‍ . 80 A- B,C,D ; 85 A - B,C എന്നിങ്ങനെ  വിവിധ് ഗ്രേഡുകളിലാണ്   കളര്‍ കറക്ഷന്‍  ഫില്‍ട്ടറുകള്‍ ഉണ്ടായിരുന്നത്. 









7 .   സ്കിന്‍ ടോണ്‍   എന്‍ഹാന്‍സിംഗ് ഫില്‍റ്റര്‍ :  സൂര്യപ്രകാശത്തിലും വൈറ്റ് ലൈറ്റ്  ചിത്രീകരനത്തിലും ഒക്കെ  ഈ ഫില്‍ട്ടര്‍ ഉപയോഗപ്പെടുത്തുന്നു. അഭിനേതാവിന്റെ   ശരീര  വര്‍ണ്ണത്തിന് മിഴിവേകുന്ന കാര്യത്തില്‍  ഈ ഫില്ട്ടരിന്റെ ഉപയോഗം എടുത്തു പറയേണ്ടുന്നതാണ്.   സിനിമയില്‍ അവിഭാജ്യ ഘടകമായ മേക്  അപ്പിന്  പ്രത്യേക  എന്ഹാന്‍സ്മെന്റ്റ്  ഈ ഫില്‍ട്ടര്‍ നല്‍കും. തന്മൂലം  അല്‍പ്പം  കളര്‍  കുറഞ്ഞ അഭിനേതാക്കള്‍  വരെ വളരെ  മികവാര്‍ന്ന സ്കിന്‍ ടോണില്‍   ചിത്രത്തില്‍ ലഭ്യമാകും.


( Model : Arun Kamalaasanan ; Photo : Anas Mehboob )


8 .   സോഫ്റ്റ്‌ ഫോക്കസ് - ഡിഫ്യൂസര്‍  - മിസ്റ്റ്   ഫില്‍റ്റര്‍ :   സിനിമയില്‍ സ്വപ്ന രംഗങ്ങള്‍ക്കും  ഗാന രംഗങ്ങള്‍ക്കും  ഒക്കെ ഉപയോഗിച്ച് വരുന്ന ഒരു ഫില്‍ട്ടര്‍  ഗ്രൂപ്പ് ആണ് ഇത്.    സോഫ്റ്റ്‌ ഫോക്കസ് ,ഡിഫ്യൂസര്‍ , മിസ്റ്റ് എന്നീ മൂന്നു പേരുകളിലും  ഈ ഫില്‍ട്ടര്‍  വിളിക്കപ്പെടാറുണ്ട്.  എന്നാല്‍ സോഫ്റ്റ്‌ ഫോക്കസിന്റെ    ശക്തിയായ  പ്രകാശം  ഫ്രെയിമില്‍ പതിക്കുന്നിടത്തു ഈ  ഫില്‍ട്ടര്‍ പ്രകടമായ വ്യത്യാസം കാണിക്കും.   

( Model : Arun Kamalaasanan ; Photo : Anas Mehboob )

8 .   യു വി -  ഫില്‍റ്റര്‍ :   യഥാര്‍ഥത്തില്‍ ആദ്യം പറയേണ്ട ഫില്‍ട്ടര്‍ ആണ് ഇത്.   പക്ഷെ  ഇതിന്റെ വ്യാപകമായ  ഉപയോഗം കൊണ്ട്   ഇന്ന് കുഞ്ഞുങ്ങള്‍ക്ക്‌ പോലും  ഈ ഫില്ട്ടറിനെ കുറിച്ച് അറിയാമെന്ന  അവസ്ഥ വന്നിരിക്കുകയാണ്.  സാധാരണ  ക്യാമറ വാങ്ങുമ്പോള്‍  തന്നെ  ഈ ഫില്‍ട്ടര്‍ കൂടി  ചേര്‍ത്തു വാങ്ങാന്‍ എല്ലാവരും ശ്രദ്ധിക്കുന്നു.  സൂര്യ പ്രകാശത്തിലെ അള്‍ട്രാ വയലറ്റ്   കിരണങ്ങളെ   തടഞ്ഞു  അല്‍പ്പം കൂടി ക്ലിയര്‍ ആയ ചിത്രം  ഷൂട്ട്‌ ചെയ്യാന്‍ ഈ ഫില്‍ട്ടര്‍ കൊണ്ട്  സാധിക്കും എന്നതിന് പുറമേ,   ക്യാമറ    ലെന്‍സിനു ഒരു സംരക്ഷണം ആയും  ഉപയോഗിക്കുന്നു.

9 .   ഡി എന്‍  ( ഡേ ഫോര്‍ നൈറ്റ്‌ )  ഫില്‍റ്റര്‍ :  പേരില്‍ നിന്ന് തന്നെ ഇതിന്റെ ഉപയോഗം  ഏതാണ്ട് മനസ്സിലായിക്കാണും എന്ന് കരുതുന്നു. പകല്‍ വെളിച്ചത്തെ രാത്രിയാക്കി   മാറ്റി ഷൂട്ട്‌ ചെയ്യാനാണ് ഈ ഫില്‍ട്ടര്‍ ഉപയോഗപ്പെടുത്തുന്നത്.  രാത്രി  ഷൂട്ട്‌  ചെയ്യുന്ന ബുദ്ധിമുട്ടുകള്‍ ലഘൂകരിക്കാന്‍  ഈ ഫില്‍റ്റര്‍ കൊണ്ട് സാധിക്കും. 
( Image Courtesy : Cavision )




10 .   ലോ കോണ്ട്രാസ്റ്റ്   ഫില്‍റ്റര്‍  :  ഹൈ ലൈറ്റും ഷാഡോയും  തമ്മിലുള്ള അന്തരം ലഘൂകരിക്കാന്‍ വേണ്ടി ഉപയോഗിക്കുന്ന ഫില്‍ടര്‍ ആണ് ഇത്.  ശക്തിയേറിയ വെളിച്ചം ഉള്ളപ്പോള്‍ ആണ്  ഈ ഫില്‍ട്ടര്‍ ഉപയോഗിക്കുന്നത്.  എന്‍  ഡി  ഫില്ട്ടറിന്റെ    മറ്റൊരു  വക  ഭേദം  ആണ്  ഈ  ഫില്‍ട്ടര്‍. 

(Image Courtesy : Cavisin ) 




11 .   ഹോട്ട് മിറര്‍   ഫില്‍റ്റര്‍  :  യു വി  ഫില്ട്ടരുകളുടെ ഉപയോഗം പോലെ  തന്നെ യുള്ള മറ്റൊരു ഫില്‍ട്ടര്‍ ആണ്  ഹോട്ട് മിറര്‍  എന്ന ഫില്‍ട്ടര്‍ . ഇത്  സൂര്യ പ്രകാശത്തിലെ ഇന്ഫ്രാ റെഡ് വികിരണങ്ങളെ തടഞ്ഞു  മിഴിവാര്‍ന്ന  ചിത്രം പ്രധാനം  ചെയ്യുന്നു. 

 (Image Courtesy : Cavisin )


സെപിയ , സ്റ്റാര്‍ , മള്‍ടി വിഷന്‍  തുടങ്ങി ധാരാളം സ്പെഷ്യല്‍ എഫ്ഫക്റ്റ്‌  ഫില്‍ട്ടറുകള്‍  വിപണിയില്‍ ലഭ്യമാന്. എന്നാല്‍ ഇന്ന് ഫോട്ടോ ഷോപ്പിലും   എഫ് സി പി പോലുള്ള  വീഡിയോ എഡിറ്റിംഗ്  സോഫ്റ്റ്‌ വെയരുകളിലും  മറ്റും തന്നെ പല ഫില്‍ട്ടര്‍ ഇഫക്ടുകളും  ഈസിയായി  നിര്‍മ്മിച്ചെടുക്കാന്‍  സാധിക്കും .




FIND MORE FILTERS AT :    

http://www.hoyafilter.com/products/hoya/hoya-03.html





Sunday, May 22, 2011

7D Malayalam Movie : Chappa Kurishu



ങ്ങനെ അവസാനം മലയാളം സിനിമയും  ഡി എസ് എല്‍ ആര്‍ ഫിലിം മേക്കിങ്ങിലേക്ക് ധൈര്യപൂര്‍വ്വം  കാലെടുത്തു വയ്ക്കുന്നു എന്നതിന്റെ സൂചനയാണ്  ഷൂട്ടിംഗ് പുരോഗമിക്കുന്ന "ചാപ്പാ കുരിശ് " (Head or Tail ) എന്ന ചലച്ചിത്രം നല്‍കുന്നത്.   ബിഗ്‌ ബി , ഡാഡി കൂള്‍ എന്ന  ചലച്ചിത്രങ്ങളുടെ ക്യാമറാമാന്‍ ആയ  സമീര്‍ താഹിര്‍ ആണ്  സംവിധായകന്‍ . ബിഗ്‌ ബി എന്ന സിനിമ വളരെ കുറഞ്ഞ ബഡ്ജറ്റില്‍   16 mm ക്യാമറയില്‍ ആണ് ഷൂട്ട്‌ ചെയ്തത്. 
എല്ലാ ക്യാമറാമാന്‍മാരും  പുതിയതിന് പുറകെ പോകുമ്പോള്‍ സമീര്‍ താഹിര്‍ എന്ന വ്യക്തി  16 mm  ക്യാമറയില്‍ ദൃശ്യപ്പൊലിമ  നല്‍കി  വന്‍ ഹിറ്റുണ്ടാക്കി. സംവ്ധായകന്‍  അമല്‍ നീരദിനെ മറന്നിട്ടല്ല ഇത് പറയുന്നത് എങ്കില്‍ ക്കൂടിയും ആ ചിത്രത്തിന് സമീര്‍ താഹിറിന്റെ കയ്യൊപ്പ് എടുത്തു പറയേണ്ടുന്നതാണ് . സൂപ്പര്‍    മഹാ താരം മമ്മൂട്ടി വളരെ വിസ്മയത്തോടെയാണു പല അഭിമുഖങ്ങളിലും ഈ സിനിമയുടെ ചിത്രീകരണ രീതി എടുത്തു പറഞ്ഞിട്ടുള്ളത് .
ഇപ്പോള്‍ സമീര്‍ താഹിര്‍ സംവിധായകനായി മാറുന്നു.  " ചാപ്പാ കുരിശ്  "  എന്ന് പേരിട്ടിട്ടുള്ള വ്യത്യസ്തമായ ഒരു സിനിമയുമായാണ് അദ്ദേഹം  വരുന്നത്.  വ്യത്യസ്തമായ കഥാ തന്തുവുമായി വന്ന ട്രാഫിക് എന്ന  ചിത്രത്തിന്‍റെ  നിര്‍മ്മാതാവാണ്  ചാപ്പാ കുരിശിന്റെയും നിര്‍മ്മാതാവ്.  എറണാകുളത്തു ട്രാഫിക് സിനിമയുടെ നൂറാം ദിവസ ആഘോഷത്തിനിടയിലാണ്  ചാപ്പാ കുരിശിന്റെ  പൂജ നടന്നത്.  പത്മ ശ്രീ കമല്‍ഹാസന്‍ ഔദ്യോഗികമായി  പൂജ നിര്‍വ്വഹിച്ചു.  


ഇത്രയൊക്കെ പറഞ്ഞിട്ടും ഈ  ബ്ലോഗ്‌ പോസ്റ്റില്‍   എടുത്തു പറയേണ്ടുന്ന ഒരു കാര്യം ഇത് വരെ  പരാമര്‍ശിച്ചില്ല. മലയാളത്തിലെ ആദ്യ സമ്പൂര്‍ണ്ണ  ഡി എസ് എല്‍ ആര്‍ ഫിലിം ആണ് ഇത്. നാലോളം 7D,5D തുടങ്ങിയ  ക്യാമറകള്‍ ആണ് ഇതിന്റെ ചിത്രീകരണത്തിന്  ഉപയോഗിച്ചിരിക്കുന്നത്.   വിനീത് ശ്രീനിവാസും ഷാനും ആണ് ഇതിലെ നായകര്‍.  വിനീത് തന്റെ  "മലര്‍വാടി ആര്‍ട്ട്സ് ക്ലബ് " എന്ന സിനിമയില്‍ ചില പാച്ച്  വര്‍ക്കുകള്‍ ചെയ്യാന്‍  കാനന്‍ 550D  ഉപയോഗപ്പെടുത്തിയിരുന്നു.  പ്രശസ്ത ക്യാമറാമാന്‍   കെ പി നമ്പ്യാതിരി    സിനിമാ  നിര്‍മ്മാണത്തിനായി 7D ക്യാമറാ ഫുള്‍ യൂണിറ്റു തന്നെ  സെറ്റ് ചെയ്തിരിക്കുന്നത്  അദ്ദേഹത്തിനു ഡി എസ് എല്‍ ആര്‍ ഫിലിം  നിര്മ്മാണത്തോടുള്ള     അതിയായ വിശ്വാസം കൊണ്ട് തന്നെ .  ധാരാളം പരസ്യങ്ങളും കാനില്‍ പ്രദര്‍ശിപ്പിച്ച  സുഭാഷിന്റെ  ഹ്രസ്വ ചിത്രവും   എല്ലാം തന്നെ 7D ഉപയോഗിച്ചാണ് ചിത്രീകരിച്ചതെങ്കിലും ഒരു സമ്പൂര്‍ണ്ണ മലയാള സിനിമയ്ക്ക്  7D ഉപയോഗിക്കുന്നത് നാടാടെയാണ്.  ഇപ്പോള്‍ ധാരാളം  പ്രോജക്ടുകള്‍ക്ക് ഡി എസ എല്‍ ആര്‍ ക്യാമറ ഉപയോഗിക്കുന്നുണ്ട്.

ജോമോന്‍.ടി.ജോണ്‍ ആണ് ചാപ്പാ കുരിശിന്റെ ക്യാമറാമാന്‍. ഈ വിഷയത്തില്‍ ബന്ധപ്പെട്ടവരുടെ  ഭാഗത്ത് നിന്നും  കൂടുതല്‍ എന്തെങ്കിലും അറിയാനായി  ക്യാമറാമാന്‍  ജോമോനുമായി  സംസാരിച്ചിരുന്നു. എന്നാല്‍  സാങ്കേതിക കാര്യങ്ങള്‍ തല്‍ക്കാലം പുറത്തു വിടുന്നില്ല എന്ന മറുപടിയാണ് ലഭിച്ചത്. പുതിയ പരീക്ഷണങ്ങള്‍ക്ക് തയ്യാറാവുന്ന സമീര്‍ താഹീരിനു എല്ലാ വിധ ആശംസകളും നല്‍കാന്‍  ഈ  പോസ്റ്റ്  ഉപയോഗപ്പെടുത്തുന്നു.  


( Image Courtesy : www.kerala9.com)


പിന്‍ കുറിപ്പ് :  മലയാളത്തില്‍ ജയരാജിന്റെ "ദി ട്രെയിന്‍ " എന്ന   ചലച്ചിത്രത്തിന്റെ കുറെ ദൃശ്യങ്ങള്‍ ചിത്രീകരിക്കാന്‍  ഡി എസ എല്‍ ആര്‍ ഉപയോഗിച്ചതായി അറിയുന്നു.  അണിയറ പ്രവര്‍ത്തകര്‍  കൂടുതല്‍ വിവരങ്ങള്‍ പുറത്തു വിട്ടിട്ടില്ല.


Trailor of A Malayalam shortfilm Made with 7D








Monday, May 2, 2011

HDR VIDEO & 3D Imaging

 എന്താണ്   HDR  എന്ന് നമുക്കാദ്യം മനസ്സിലാക്കാം.
സാധാരണ നിശ്ചല ചിത്രങ്ങളില്‍ പരീക്ഷിക്കപ്പെടുന്ന ഒരു രീതിയാണ് HDR   അഥവാ ഹൈ ഡൈനാമിക്  റേഞ്ച് .   നാം എടുക്കുന്ന  ചിത്രത്തിന്‍റെ യഥാര്‍ത്ഥ എക്സ്പോഷര്‍ ലെവലില്‍ നിന്നും  ഒന്നോ  രണ്ടോ  ലെവല്‍ കൂട്ടിയും കുറച്ചും  ചിത്രം എടുത്തു പിന്നീട് ഇവയെ സമന്വയിപ്പിച്ച്  മറ്റൊരു മനോഹര ചിത്രം രൂപപ്പെടുത്തുന്ന  രീതിയാണ് ഇത്.  ഈ ലിങ്കില്‍  ധാരാളം HDR  ചിത്രങ്ങള്‍ നല്‍കിയിട്ടുള്ളത് നോക്കുക.കേരളത്തിലെ  പ്രശസ്ത  ഫോട്ടോ  ബ്ലോഗ്ഗര്‍ ശ്രീ . പ്രശാന്ത്‌ ഇരാണിക്കുളം HDR  സ്റ്റില്‍ ഫോട്ടോഗ്രാഫിയില്‍  ധാരാളം പരീക്ഷണങ്ങള്‍ നടത്തിവരുന്നു.   വളരെ മനോഹരമായ ചിത്രങ്ങള്‍    ഈ വിദ്യ വഴി  നിര്‍മ്മിച്ചെടുക്കാന്‍ സാധിക്കും.  ഇന്ന് പുറത്തിറങ്ങുന്ന ചില സ്റ്റില്‍ ക്യാമറകളില്‍  ( Canon EOS-1D Mark II  ) HDR വിദ്യ രൂപപ്പെടുത്തി  വിവിധ എക്സ്പോഷര്‍ ലെവലുകളില്‍  ഒരേ സമയം  സേവ്  ചെയ്യപ്പെടുന്നതിനാല്‍ ഫോട്ടോഗ്രാഫറുടെ അധ്വാനം  കുറച്ചു മനോഹരമായ  HDR ഫോട്ടോകള്‍ സൃഷ്ടിക്കാന്‍ കഴിയുന്നു.  ഈ വിദ്യയെ  High Dynamic Range Imaging ( HDRI )   എന്ന് വിളിക്കുന്നു.

ഈ  വിദ്യ  വളരെ  ആയാസ രഹിതമായി സ്റ്റില്‍ ക്യാമറകളില്‍ ഉപയോഗപ്പെടുത്താം. എന്നാല്‍  വീഡിയോയില്‍ ഉപയോഗപ്പെടുത്തുന്നതിനു  അല്‍പ്പം കൂടി സാങ്കേതിക പരിജ്ഞാനവും  മറ്റു ചില ഉപകരണങ്ങള്‍ കൂടി വേണം .  "ബീം സ്പ്ളിറ്റര്‍  " എന്ന ഉപകരണമാണ് ഇതിനു പ്രധാനമായും വേണ്ടത്.  ബീം സ്പ്ളിറ്റര്‍  എന്ന് പറയുന്നത് ഒരു ഒപ്ടിക്കല്‍  ഉപകരണമാണ്. ഇതിലേക്ക് വരുന്ന പ്രകാശ  രശ്മികളെ വിഭജിച്ചു   രണ്ടു  ആംഗിളിലേക്ക്  വിടുന്നു.   ഈ രണ്ടു ആംഗിളിലും  ഓരോ വീഡിയോ ക്യാമറ  വച്ച് ഈ രശ്മികളെ  രണ്ടു എക്സ്പോഷര്‍ ലെവലുകളിലായി പകര്‍ത്തുന്നു.  പിന്നീട്  എഡിറ്റിംഗ് സോഫ്റ്റ്‌വെയര്‍ ഉപയോഗപ്പെടുത്തി  ക്ലിപ്പ്  ഒപ്പാസിറ്റി വേണ്ടവിധം സമന്വയിപ്പിച്ച്  ഫൈനല്‍ ക്ലിപ്പ്  റെണ്ടാര്‍    ചെയ്യുന്നു.    നമുക്കറിയാവുന്ന പ്രിസം എന്ന ഉപകരണം രണ്ടെണ്ണം പരസ്പരം അഭിമുഖമായി ചേര്‍ത്തു വച്ച്  പ്രകാശ രശ്മികളെ   രണ്ടു പ്രതലങ്ങളിലേക്ക്  വഴി തിരിച്ചു വിടുന്നതാണ്  ബീം  സ്പ്ളിറ്റരില്‍ ചെയ്യുന്നത്.
മെഡിക്കല്‍ മൈക്രോ സ്കോപ്പില്‍ ഉപയോഗപ്പെടുത്തുന്ന തത്വം ആണ് ഈ വിദ്യയില്‍ പ്രയോജനപ്പെടുത്തിയിരിക്കുന്നത്.  ഇന്ന്  3D ചിത്രീകരണം വ്യാപകമായതോട് കൂടി ഈ ബീം സ്പ്ളിറ്റര്‍ വിദ്യ ഏറെ പ്രയോജനപ്പെടുത്തുന്നുണ്ട്.  

നിശ്ചല  ക്യാമറയില്‍   ഒരു ക്യാമറ ഉപയോഗിച്ച്  HDR വിദ്യ പ്രയോജനപ്പെടുത്താം എന്നിരിക്കെ വീഡിയോയില്‍ ഇതിനു രണ്ടു ക്യാമറ തന്നെ കൂടിയേ തീരൂ.




താഴെയുള്ള വീഡിയോ നോക്കുക.



വീഡിയോ ക്യാമറ   താഴെ കാണുന്ന രീതിയില്‍ ആണ്   ബീം സ്പ്ളിറ്റര്‍   ഉപയോഗിക്കുമ്പോള്‍  ഫിക്സ് ചെയ്യുന്നത്. 


ബീം സ്പ്ളിട്ടറിന് പുറമേ  ക്യാമറ സപ്പോര്‍ട്ട് സിസ്റ്റം ഇതിനു പ്രത്യേകമായി വേണ്ടി വരും.  HDR  വീഡിയോ യെക്കുറിച്ചാണ് നമ്മള്‍ പ്രദിപാദിച്ചത്  എങ്കിലും  ഈ സാങ്കേതികത്വം  3D ചിത്രങ്ങള്‍  നിര്‍മ്മിക്കുന്നതിലാണ് ഇപ്പോള്‍ വ്യാപകമായി ഉപയോഗിച്ച് വരുന്നത്.   മേല്‍പ്പറഞ്ഞ രീതിയില്‍  നിന്നും അല്‍പ്പം ആംഗിളില്‍  വ്യതിയാനം വരുത്തിയാണ്  3D ചിത്രീകരണം സാധ്യമാക്കുന്നത്.  3D  സിനിമ നിര്‍മ്മിക്കുമ്പോള്‍  എക്സ്പോഷര്‍ ലെവലില്‍  മാറ്റങ്ങളൊന്നും  വരുത്തുന്നില്ല.. 

ചില ഷൂട്ടിംഗ് രംഗങ്ങള്‍  താഴെ നല്‍കുന്നു 
(Shooting Pictures of  3D films in Hollywood, Collected from Internet)


Image Courtesy : 3Dfilmfactory.com

Image Courtesy : 3Dfilmfactory.com


Image Courtesy : 3Dfilming.blogspot.com

The images are used here only for tutorial purpose of  beam splitting  in DSLR / HDR  film making. Any violation observed, please conatct the author at joharkj(at)gmail.com and we will immediately remove the images.

HDR Tutorial with Canon 550 D













നിങ്ങളുടെ കൈവശം  3D കണ്ണട ഉണ്ടെങ്കില്‍  താഴെ കാണുന്ന വീഡിയോ  കണ്ടു നോക്കൂ.